Егер ерлі-зайыптылар арасында мұндай келісім болмаса немесе ол балалардың, ерлі-зайыптылардың біреуінің мүдделеріне қайшы келсе, онда бұл мәселелер бойынша шешімді сот анықтайды. Ата-ана құқығынан айырылған ата-аналар "Неке (ерлі-зайыптылық) және отбасы туралы"Кодекстің 79-бабына сәйкес баланы асырап-бағуға алимент төлеуге міндетті. Ата-аналардан алименттерден басқа, балаларды асырауға қосымша сомалар ұсталуы мүмкін. Ерекше жағдайлар бар-ауыр сырқаттар, балалардың зақымдануы немесе балалардың көмегіне мұқтаж кәмелетке толғандардың еңбекке жарамсыздығы, егер оларға сырттан күтім жасау үшін ақы төлеу қажет болса және т.б. Алимент мөлшері мен төлем тәртібін сот анықтайды. Сот тәртібімен кәмелетке толмаған балаларға арналған алименттерді сот олардың ата - аналарынан ай сайын: бір балаға - төрттен бір, екі балаға - үштен бір, үш және одан да көп балаға-ата-аналарының табысының және (немесе) өзге де табысының жартысы мөлшерінде өндіріп алады.